ШУТИС-ийн Оюутны Холбоо нь оюутнуудын эрх ашгийг төлөөлөн хамгаалах, оюутнуудыг хөгжүүлэх, нийгэмшүүлэхэд чиглэсэн үйл ажиллагаа явуулдаг, гишүүддээ үйлчилсэн шашины бус, ашгийн бус оюутны өөрийн удирдлагын Төрийн Бус Байгууллага /ТББ/ билээ.

“Өөртөө хүсдэг сайныг бусдын төлөө” аян

Нийтлэгдсэн: 2013-04-24 22:17:36

“ТӨРИЙН БОДЛОГЫГ ДЭМЖИХ ҮНДЭСНИЙ ЗАЛУУЧУУДЫН ТӨВ” ТББ нь Нийслэлийн ЗДТГ, Хүн амын хөгжил, нийгмийн хамгааллын яам, Хөдөлмөрийн яам, Боловсрол шинжлэх, ухааны яам, Эрүүл мэндийн яам, Аялал жуучлалын яам болон Олон нийтийн мэдээллийн хэрэгсэлүүдтэй хамтран “Өөртөө хүсэх сайныг бусдын төлөө” хүмүүнлэгийн аянд хамтран ажиллах хүсэлтийг ирүүлсэн билээ.

 

 

Энэхүү аян нь 2013 оны 4 дүгээр сарын 20-ноос 6 дугаар сарын 20-ны өдрүүдийн хооронд явагдах бөгөөд энэхүү аяны хүрээнд Соёл урлагийн их сургуулийн оюутны урлагийн тоглолт 500 төгрөгний такстайгаар ШУТИС-ийн Төв байр, 3 давхрын “Хурлын танхим”-д тоглоно.

Тоглолт болох цагийн хуваарь:

4  дүгээр сарын 23    15:00-18:00

5  дугаар сарын 2      15:00-18:00

5 дугаар сарын 9       15:00-18:00

Энэхүү аянаас олсон орлогыг Улаанбаатар хотын эмзэг бүлгийн 45 айл өрхөд буцалтгүй тусламж болон дэмжлэг үзүүлж, нөхцөл боломжийг сайжруулахад зориулах юм.

Оюутан залуус та бүхнийг идэвхитэй оролцохыг урьж байна.

Оюутны хөгжил, үйлчилгээний  алба

ШУТИС-ийн  Оюутны холбоо